Nëse kohët e fundit duket sikur ditët po zvarriten më shumë se zakonisht, shkencëtarët thonë se edhe kjo ndodhi e ka një shkak.
Studiuesit nga ETH Cyrih kanë zbuluar se ndryshimi i klimës po bën që gjatësia e ditëve në Tokë të rritet me një ritëm ‘të paprecedentë’. Ndërsa akulli polar shkrihet në Grenlandë dhe Antarktidë, qendra e gravitetit të Tokës zhvendoset drejt ekuatorit, duke ngadalësuar gradualisht rrotullimin e planetit .
Efektet nuk do të jenë të dukshme për shumicën e njerëzve, studiuesit thonë se ndryshimet delikate mund të bëjnë kërdi për udhëtimin në hapësirë.
Gjithashtu ndryshimet klimatike të shkaktuara nga njerëzit shkaktojnë rritjen e temperaturave globale të oqeanit, uji i shkrirë rrjedh larg nga mbulesat e akullit polare drejt ekuatorit. Megjithatë, në dy punime të fundit, studiuesit tani kanë arritur të ndajnë ndikimet e ndryshme të secilit prej këtyre faktorëve.
Për pjesën më të madhe të historisë së Tokës, zvarritja më e madhe në gjatësinë e ditës ka qenë ‘fërkimi i baticës’ i shkaktuar nga graviteti i Hënës që tërheq oqeanin.
Këto efekte do të jenë aq delikate saqë njerëzit nuk do të jenë në gjendje ta vërejnë ndryshimin gjatë një jete të vetme. Përveç ndryshimit të shpejtësisë së rrotullimit të Tokës, studiuesit zbuluan gjithashtu se ndryshimi i klimës mund të jetë duke e anuar planetin në boshtin e tij.
Zhvendosjet e ujit në sipërfaqe kanë një efekt të ngjashëm, por studiuesit bënë gjithashtu zbulimin befasues se ndryshimi i klimës mund të ndikojë në kushtet thellë brenda Tokës.
