Kryetari i Këshillit të Qarkut të Tiranës, Aldrin Dalipi, i ftuar në një intervistë televizive tha se reformat e Partisë Socialiste kanë sjellë zhvillimin e vendit.
Dalipi tha se skuadra e PS-së është gati dhe se do të fitojë zgjedhjet e 2025. Sipas tij, PS di të udhëheqë dhe të vlerësojë siç duhet votuesit.
Kryetari i Këshillit të Qarkut Tiranë Aldrin Dalipi: Reformat e PS kanë sjellë zhvillimin e vendit. U zhvillua procesi i rienergjizimit në Partinë Socialiste. PS do të fitojë bindshëm zgjedhjet. Qarku i Tiranës u la në dorën e tre përfaqësuesve të lartë politikë. Ne nuk kemi frikë. Skuadra e PS, “Për Shqipërinë 2030” ka një ambicie shumë të madhe. Ne i marrim seriozisht zgjedhjet, punojmë fort në të gjitha qarqet e vendit. Synimi ynë është që të fitojmë zgjedhjet.
Skuadra e Tiranës dhe e Shqipërisë janë gati. Kanë nisur takimet, janë prezantuar drejtuesit e rinj politikë. Drejtuesit politikë në qarqe kanë nisur punën. Unë drejtoj skuadrën e njësisë numër 7 në kryeqytet. Tirana flet vetë, ka rritje të jashtëzakonshme të turistëve, kemi studentë të huaj. Politika nuk mund të bashkëjetojë me korrupsionin. PS di të udhëheqë dhe di të vlerësojë votuesit.
