Sot zhvillohet provimi i parë i Maturës Shtetërore, ku rreth 37.000 maturantë do të testojnë njohuritë e tyre në gjuhët e huaja.
Testimi nis në orën 10:00, dhe zgjat për dy orë e 30 minuta. Për mbarëvajtjen e provimit janë angazhuar 560 punonjës policie. Me anë të një deklarate për mediat, drejtori i Rendit, Albert Dervishi, tha se uniformat blu janë në gatishmëri të plotë.
“Janë marrë në ruajtje qëndrat e kontrollit të provimeve, ku do të ketë punonjës policie 24 orë, që do të garantojnë veprimtarinë normale të këtyre institucioneve.
Nga dita e sotme kur do të zhvilohet provimi në 206 shkolla të mesme, janë angazhuar 560 punonjës policie e 40 automjete, që asistojnë rregullin e qetësinë në ambjentet e shkollës”.
