Edhe pse nuk ishte i pranishëm fizikisht në protestë, kryetari i Partisë së Lirisë, Ilir Meta e ka mbështetur atë. Me anë të një reagimi në rrjetet sociale, ai shprehet se tubimi ishte një manifestim i jashtëzakonshëm demokracie në mbrojtje të pluralizmit.
Sipas Ilir Metës, qytetarët rikthyen sot shpresën dhe nisën një betejë pa kthim për shpëtimin e Shqipërisë.
“Protesta madhështore e qindra mijëra qytetarëve të lirë kundër narkoshtetit ishte një manifestim i jashtëzakonshëm demokracie në mbrojtje te pluralizmit, të lirive, të drejtave dhe dinjitetit njerëzor!
Nën udhëheqjen e opozitës së vërtetë dhe të bashkuar, qytetarët rikthyen sot shpresën dhe nisën një betejë pa kthim për shpëtimin e Shqipërisë”, shkruan Meta në rrjetet sociale.
