Raportohet se ka drone që filmojnë nga ajri mbarëvajtjen e protestës. Kreu i PD-së, Basha ka njoftuar ditën e djeshme se protesta do të monitorohet me filmime nga toka dhe nga ajri për të regjistruar dhe dokumentuar mbarëvajtjen e protestës. Zoti Basha deklaroi se filmimet janë për të faktuar çdo sjellje jo korrektë të punonjësve të policisë në qoftë se do të ketë.
Gjithashtu, burime nga policia thanë se ajo po përdor teknologjinë më të fundit për fiksim, filmim dhe identifikim të personave në protestë. Policia kërkon të identifikojë personat që janë me precedent penal apo në kërkim dhe jo personave të thjeshtë në protestë.
