Në qendër të Durrësit, në sheshin Liria, pasditen e së premtes, u mblodhën shokë dhe të njohur të Erjon Bobës, 15-vjeçarit që humbi jetën tragjikisht pas një sherri mes të miturve.
Vetëm heshtje, për dhembjen dhe kërkesë për drejtësi për Erionin, teksa kërkuan edhe më shumë siguri, që të mos ketë më familje e shoqëri që përjetojnë dhembje të tilla.
Mes protestuesve ishte dhe vëllai i Erjonit, një vit më i madh se ai. Protesta u lajmërua në rrjetet sociale, por përgjigjja ndaj saj qe e pakët, sikurse dhe herën e parë.
