Në Francë, 1,857 njerëz janë viktima të trafikimit të qenieve njerëzore, zbuloi të mërkurën një studim i kryer nga Misioni Ndërministror për mbrojtjen e grave nga dhuna dhe lufta kundër trafikimit njerëzor (Miprof) dhe Observatori Kombëtar e (ONDRP). Ndërmjet tyre, 74% ishin viktima të shfrytëzimit seksual. Anketa bazohet në të dhënat e vitit 2016, të ofruara nga 24 shoqata që ndihmojnë emigrantët, prostitutat ose viktimat shoqëruese të trafikimit të qenie njerëzore. Kështu, viktimat nuk përfaqësojnë të gjitha viktimat në territorin francez, specifikojnë ONDRP dhe Miprof.
Sipas Kodit Penal Francez, trafikimi i qenieve njerëzore është akti i “rekrutimit, transportimit, transferimit, strehimit ose akomodimit të një personi për qëllime shfrytëzimi”. Format e shfrytëzimit mund të jenë prostitucioni, të gjitha format e shfrytëzimit seksual, punës, shërbimeve të detyruara, skllavërisë, ose heqjes së organeve.
Gratë me origjinë nigeriane janë viktimat kryesore të shfrytëzimit seksual
Nga 1857 viktima të regjistruara të trafikimit të qenieve njerëzore, 1585 janë gra, ose 85%. Dhe nga 1366 viktimat e shfrytëzimit seksual, gratë përfaqësojnë 95%, dhe 70% janë nga Nigeria. Për Miprofin dhe ONDRP, studimi konfirmon “shtrirjen e veprimtarisë së rrjeteve nigeriane të trafikimit të prostitutave në Francë”. Me përjashtim të Nigerisë, viktimat vijnë kryesisht nga Maroku dhe Algjeria, si dhe nga Evropa Lindore dhe Jugore, kryesisht nga Rumania, Bullgaria dhe Shqipëria. Ndërsa vetëm 1% e viktimave të shfrytëzimit seksual ishin nga Franca.
Përveç shfrytëzimit seksual, studimi gjithashtu tregon se 15% e viktimave të tjera janë shfrytëzuar në punë, 7% janë shfrytëzuar për të kryer krime dhe 2% për lypje të detyruar. Shfrytëzimi përmes punës, në kontekstin e brendshëm, ende ka të bëjë me një shumicë shumë të madhe të grave, në 94%. Nga konteksti i brendshëm, burrat janë më të prekurit 68%, për punë bujqësore, në ndërtim, furnizim ushqimi ose tregti. Tre nga çdo katër viktima të shfrytëzimit të punës janë nga Afrika Perëndimore dhe gjashtë nga dhjetë prej tyre janë me origjinë aziatike. Studimi gjithashtu vë në dukje një rritje të numrit të të miturve të ndjekur për lypje të detyruar, shpesh djem dhe ndonjëherë nën moshën 10 vjeçare.
Burimi: lefigaro.fr
Përshtati: Tirana Today
