Numri një i Botës së tenisit, Rafal Nadal është tërhequr nga turneu 1000 pikësh i cili po zhvillohet në kryeqytetin francez. Ishte favoriti kryesor për të triumfuar në Masterin e Parisit, por në mënyrë surprizë ai është tërhequr nga kjo garë.
“Nuk jam në gjëndje të luaj edhe tre ndeshje të tjera në këtë turne”, deklaroi tenisti iberik në konferencën për shtyp, duke bërë të ditur se problemet me gjurin e kanë detyruar të tërhiqet, vetëm pak orë përpara përballjes çerekfinale ndaj serbit Filip Krajinovic.
Kjo tërheqje ishte një favor mjaft i mirë për tenistin ballkanas i cili do të kalojë në gjysmëfinale pa zbritur në fushë fare, por nga ana tjetër tani e sheh veten favorit pas tërheqjes së kundërshtarit më të fortë.
