Mungesa për të deshifruar një skicim me laps të hedhur në një letër të bardhë, ku tregohet vendndodhja e disa objekteve ushtarake, ka bërë që Prokuroria e Elbasanit të shtyjë me 3 muaj të tjerë hetimin për tre rusët e dyshuar për spiunazh të kapur në Uzinën e Çekinit në Gramsh.
Ky skicim është gjendur tek sendet personale të Mikhail Zorin dhe nga vëzhgimi me sy të lirë, të krijon përshtypjen e një reparti ushtarak, pasi në letër pasqyrohen vend-roja, kazermat, telat me gjemba dhe një derë me kangjella. Mbi letrën e bardhë është gjithashtu një përshkrim me shkrim dore në gjuhën ruse.
Janë 8 përshkrime të tilla, të cilat prokuroria ka kontraktuar një përkthyer të gjuhën ruse për të bërë përkthimin në gjuhën shqipe.
Megjithatë, planet kanë ndryshuar dhe hetimet për tre shtetasit rus, Zorin, Fedir Alpatov dhe Svetlana Timofeva do të shtyhen në një moment të dytë. Ndërkaq, prokuroria e Elbasanit ka kërkuar ndihëm e SPAK, strukturë e përfshirë në këtë hetim duke dhënë asistencën e saj për sa i përket ekzaminimit kompjuterik të pajisjeve elektronike.
