Cristiano Ronaldo është i vendosur, sezonin e ardhshëm ai nuk do të veshë më fanellën e Real Madrid dhe me shumë mundësi do ta shohim tek Juventus. Të gjitha mediat spanjolle e kanë konfirmuar interesimin e treguar nga bardhezinjtë, por edhe dëshirën e Ronaldos për të ndërruar ambient.
Ka qenë edhe vetë ish-drejtori i Juventusit, Luçiano Moxhi i cili në një prononcim për mediat italiane, është shprehur se gjithçka është mbyllur mes Juves dhe Ronaldos. Ai pranon gjithashtu se Ronaldo ka kryer testet mjekësore për Juventusin në qytetin e Mynihut dhe tashmë pritet vetëm zyrtarizimi i tij si futbollit bardhezi.
“Ronaldo ka kaluar me sukses testet mjekësore në Mynih dhe tashmë pritet vetëm firma e tij”, shkruante Moxhi në rrjetin social “Twitter”.
Edhe menaxheri i yllit portugez, Jorge Mendez, ka konfirmua zërat se klienti i tij do të ndërrojë ambient këtë sezon, ndërsa nuk ka harron të falënderojë të gjithë njerëzit që e përkrahën Ronaldon te Reali i Madridit.
“Nëse Ronaldo do të vendoset të largohet nga Reali, ky do të ishte një hap i ri në karrierën e mrekullueshme të këtij lojtari.
Ai do të ishte mirënjohës për këtë klub të madh të Realit, për presidentin, trajnerin, stafin mjekësor dhe të gjithë ata që kanë punuar në atë klub, pa harruar edhe tifozët madrilenë kudo në botë”, ka thënë Jorge Mendes
