Presidenti turk, Recep Tayyip Erdogan, dhe homologu i tij amerikan, Donald Trump, diskutuan të hënën çështje rajonale dhe globale, si dhe lidhjet dypalëshe, tha Drejtoria e Komunikimit e vendit.
Në një telefonatë, Erdogan e ftoi Trumpin të vizitojë Turqinë.
Udhëheqësi turk i tha Trump se Ankaraja do të vazhdojë të ndërmarrë hapa për të çuar përpara bashkëpunimin me Uashingtonin, veçanërisht në fushën e industrisë së mbrojtjes.
Kriza humanitare në Gaza ka arritur në një “nivel të rëndë”, i tha Erdogan Trumpit, duke shprehur gatishmërinë e Ankarasë për të ofruar mbështetje për ofrimin e ndihmës dhe për të krijuar një paqe të qëndrueshme.
Duke shprehur mbështetje për qasjen e Trump për t’i dhënë fund luftërave, Erdogan tha se Turqia vlerëson përpjekjet e bëra në procesin e negociatave me Iranin dhe drejt zgjidhjes së luftës Rusi-Ukrainë.
Erdogan tha më tej se Ankaraja po punon për të ruajtur integritetin territorial të Sirisë dhe për të siguruar stabilitetin e saj, duke theksuar rëndësinë e përpjekjeve të SHBA-së për të lehtësuar sanksionet ndaj Sirisë për të kontribuar në këtë proces.
Ai nënvizoi se një Siri e qëndrueshme do të mbështeste paqen rajonale dhe globale.
