Presidenti i Maqedonisë, Gjorge Ivanov, në një konferencë të jashtëzakonshme nga rezidenca e tij ka bërë thirrje, që krerët politik të gjejnë zgjidhje dhe të ndalojnë dhunën e krijuar sot në Parlament, pas zgjedhjes së kreut të Kuvendit.
Ai ka thënë se zgjidhja duhet bërë nga brenda dhe nuk duhet pritur që dikush nga jashtë të zgjidhë këtë situatë.
Sipas tij, secili duhet të jetë përgjegjës për situatën dhe veprimet që po ndërmarë.
Ivanov ka bërë thirrje për ditën e nesërme që liderët politik të mblidhen në kabinetin e tij.
