Duke filluar nga data 1 qershor, në korridorin 10 nga Horgoshi e deri në Preshevë, në aksidente automobilistike kanë humbur jetën 13 persona.
Gushti është muaji kur ndodhin më shumtë aksidente, për shkak të trafikut, lodhjes së shoferëve dhe temperaturave të larta mbi 35 gradë, të cilat kanë shumë ndikim në sigurinë e trafikut.
Situata është kritike edhe në rrethin e Pcinjës, në fundjave kanë ndodhë 9 aksidente në trafik, janë lënduar dhjetëra persona dhe një fëmijë.
Sipas vlerësimeve të shoferëve, problemi më i madh gjatë sezonit të verës janë shoferët turq, të cilët vetëm në një drejtim ecin me makinë nga 3000 kilometra.
“Shoferët turq lodhja i kap në Serbi, ndërsa ata nga Serbia që udhëtojnë për në Greqi lodhen në Maqedoni. Andaj, këshilla më e mirë është që të pushohet, pauzë dhe pushim e jo të përdoren pije energjetike që të mund ti përballohet rrugës” ka thënë Damir Okanoviq, drejtor i komitetit për siguri në rrugë.
Problem i madh është që shtetasit turq lëvizin në kolona në 5-6 vetura me një largësi minimale nga njëri tjetri. Nxehtësia ndikon keq tek shoferët, shkruan Presheva.
Edhe temperaturat ditore ndikojnë si faktor në sigurinë e rrugës posaçërisht në ditët me temperatura mbi 35 gradë që ka qenë këto ditë.
Sipas analizave që janë bërë, sa më shumë janë rritur temperaturat, aq edhe më shumë janë rritur aksidentet me të lënduar dhe të vdekur.
