Komisioni Komunal i Zgjedhjeve ka caktuar datën 14 janar për zhvillimin e zgjedhjeve të parakohshme në Preshevë.
Megjithatë, kreu i KKZ-së Zeqir Miftari ka thënë se ende nuk është e sigurt se në cilat vendvotime do të mbahen ato.
Ai është shprehur se për këtë do të vendosë vendos gjykata administrative, ndërsa është e qartë se zgjedhjet do të përsëriten në vendvotimin 5 në Preshevë dhe vendvotimin 16 në fshatin Caravajkë.
Sipas tij, Gjykata Administrative do të sjellë vendimin për rivotim apo jo në vendvotimet 2, 4, 7 dhe 8 që gjenden në Preshevë.
“Në vendvotimet 5 dhe 16 në cilat do të rivotohet të drejtë vote kanë më shumë se 1.500 votues ndërsa në 6 vendvotime ka gjithsejtë afro 9.000 votues”, theksoi Miftari.
Në listat votuese në komunën e Preshevës janë të regjistruar 38.860 votues dhe sipas statistikave nga Komisioni Komunal Zgjedhor në zgjedhjet e parakohshme më 24 dhjetor kanë votuar afro 49 % e tyre.
Në bazë të të dhënave nga KKZ në zgjedhjet e parakohshme më 24 Dhjetor rezultatet janë Alternativa për Ndryshim 5.504 vota, Partia Demokratike Shqiptare me 4.550, Partia për Veprim Demokratik 1.870 vota, Lëvizja për reforma PDSH me 1.490, lista serbe 894 që sipas rezultateve jozyrtare e kanë kaluar pragun zgjedhor dhe listat tjera shqiptare që s’e kanë kaluar pragun 964 vota.
