Lugina e Preshevës gjatë kësaj të diele ka organizuar një panair, ku janë paraqitur veshjet tradicionale kombëtare shqiptare, por janë gatuar edhe ushqime tradicionale nga amvisat shqiptare në këto treva.
Sofra e Luginës së Preshevës ishte e mbushur me ushqime të bollshëm, ku qytetarët patën mundësi të njiheshin dhe të shijonin shijet e ushqimeve të gatuara nga duart e nënave dhe motrave preshevare.
Sakaq, në tryezën e panairit nuk munguan ushqimet tradicionale si flija, hallva, krealna, sarme, tatlia, turshia, ajvari, qebabë, paçë, petulla si dhe ëmbëlsira e bakllavasë . Panairi është mbajtur në shtëpinë e kulturës, ndërsa nuk munguan vizitat e shumta të grave dhe vajzave të Preshevës , që kishin sjellë ushqimet tradicionale të gatuar prej tyre në ambientet e shtëpive.
Të pranishmit mbetën të impresionuar nga ky panair, pasi duart e arta të amvisave preshevare dinë të gatuajnë ushqimet tradicionale, që të detyrojnë sërish për t’u rikthyer dhe për të shijuar gatime “Made in Presheva”.
