Avokati Henrik Ligori ka zbuluar jashtë SPAK për median se ish-ministri Arben Ahmetaj ndodhet në Angli.
Ai është shprehur se Ahmetaj ndodhet pranë familjes së tij, pranë vajzës së tij në Angli dhe se do të kthehet vetëm kur t’i jepet liria.
“Zoti Ahmetaj ndodhet pranë vajzës së tij dhe familjes së tij në Angli dhe do të kthehet kur të ketë lirinë”, tha avokati shkurtimisht për media.
Kujtojmë që Ahmetaj reagoi vetë gjatë e gjerë në lidhje me akuzat e tij dhe “arratisjen”. Ai tha se nuk është arratisur, por ndodhet jashtë vendit për arsye “serioze familjare”.
Në seancën e mbajtur ditën e sotme në Kuvend, me 17 voto pro, 3 abstenim dhe 0 vota kundër, kërkesa e SPAK ka marrë dritën jeshile për arrestimin e Arben Ahmetaj.
