Tensionohet edhe më shumë situata mes Greqisë dhe Shqipërisë, pas vrasjes së Kostandin Kaçifës. Së fundmi, një politikan grek ka bërë thirrje për bombardime të Shqipërisë. Ai ka kërkuar shfarosjen e vrasësve të Kaçifës.
“Kemi informacion nga njerëzit që jetojnë atje është se për 15 ditë policia e ngacmonte atë,” tha Presidenti i së Drejtës së Re Failos Kranidiotis, shkruan media greke.
“Shqipëria nuk është një vend normal. Ata që e kanë vrarë atë, sot kanë shumë gjasa të jenë në një ditë pune të zakonshme duke mbrojtur parcelat e drogës. Policia shqiptare po shkel Kushtetutën dhe ligjet e Shqipërisë, që po shkatërron kishat greke. Kanë vrarë njerëzit tanë dhe policia nuk ka bërë punën e saj.
Forca Ajrore Greke duhet të rrafshojnë selinë dhe kampin e forcave speciale të policisë shqiptare. Nuk duhet lënë gur pa lëvizur për vrasësit e Konstandin Kaçifas. Kjo është e vetmja mënyrë që Edi Rama të mos guxojë të ngre dorën ndaj grekëve. Rama është ai që akuzohet nga kundërshtarët së është i lidhur me bandat e drogës. Është ai që e drejton vendin e tij me një qeveri të mbushur me banditë… Kjo nuk është një luftë. Për të bërë luftë, vendi tjetër duhet të ketë aviacion dhe ushtri, Shqipëria nuk ka asgjë… “, shtoi ai./Përshtati: Tirana Today/
