Ministri i Brendshëm Taulant Balla, teksa raportonte në Komisionin për Çështjet Europiane njoftoi se do të ngrihet Forcë Kombëtare e Sigurisë Publike.
Balla nuk i ka kursyer kritikat për policinë vendore, pasi sipas tij janë jo efikasë, për shkak të afrimitetit që efektivët kanë me qytetarët dhe rrjedhimisht edhe me kriminelët.
Balla theksoi se kjo forcë po ngrihet për të riparuar eficencën e policisë në nivel vendor, më mënyrë që pandëshkueshmëria të marrë fund njëherë e përgjithmonë.
“Do kemi forcë kombëtare të sigurisë publike, sipas modeleve të disa vendeve do kemi forcë kombëtare të sigurisë publike sipas modeleve të disa vendeve, që do riparojë eficencën e policisë në nivel vendor.
Policia lokale për shkak të familjaritet që ka me banorët dhe kriminalitetin vendor është jo efikase për të goditur në kohë.
Gjatë këtyre 80 ditëve pas shumë konsultimeve edhe me ekspertë vendas e të huaj, na duhet një forcë kombëtare që do fillojë të ngulitet në mendjen njerëzve që po erdhi kombëtarja, historitë e pandëshkueshmërisë do marrin fund njëherë e përgjithmonë”, tha Balla.
