Policia Rrugore ka forcuar kontrollet në terren për evidentimin e drejtuesve të mjeteve që shkelin rregullat e qarkullimit.
Nga të dhënat e policisë, në pranga kanë përfunduar 11 drejtues mjetesh dhe janë vendosur 8 mijë masa administrative.
NJOFTIMI I POLICISË
Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore, si dhe për rritjen e parametrave të sigurisë rrugore, në kryeqytet.
Gjatë javës që lamë pas janë arrestuar dhe proceduar në gjendje të lirë 20 drejtues mjetesh, për vepra të ndryshme penale, konkretisht:
-5 shtetas janë arrestuar në flagrancë për drejtim automjeti në gjendje të dehur;
-2 shtetas janë arrestuar në flagrancë për drejtim automjeti në efektin e lëndëve narkotike;
-4 shtetas janë arrestuar në bashkëpunim me Sektorin e Krimit Ekonomik dhe Financiar të DVP Tiranë, për veprën penale “Korrupsioni aktiv ndaj personave që ushtrojnë funksione publike”.
Gjithashtu, janë vendosur 8102 masa administrative, kryesisht për shkelje që janë burim aksidenti.
-Janë vendosur 203 masa administrative, për shpejtësi mbi normat e lejuara;
-Janë vendosur 469 masa administrative, për përdorim të aparatit celular gjatë drejtimit të mjetit;
-468 drejtues mjetesh janë ndëshkuar për mosdhënie përparësie këmbësorëve, në vija të bardha;
-1158 drejtues mjetesh janë ndëshkuar për mosvendosje të rripit të sigurimit;
-Janë vendosur 80 masa administrative, për xhama të errësuar;
-Janë vendosur 446 masa administrative, për mosvendosje të kaskës mbrojtëse, nga drejtuesit e motomjeteve.
-Janë bllokuar 9 automjete.
