Të vendosurit në qendrën MEK kanë shkelur marrëveshjen që kanë pasur me qeverinë shqiptare që nga dita e parë që kanë vënë këmbë në shtetin shqiptar. Pavarësisht akuzave të tyre se policia shqiptare po i shërben regjimit iranian, burime zyrtare nga Ministria e Brendshme deklarojnë se në sendet e sekuestruara nga ana e policisë pas kontrollit të ushtruar brenda kampit MEK me vendim të gjykatës së posaçme janë gjetur shumë materiale kompromentuese.
Burime për media bëjnë me dije se në kamp janë gjetur një qendër serverash për të kryer sulme kibernetike. Servera të cilat janë sekustruar nga Policia.
Policia është duke punuar intesivisht sidomos pas incidenteve dhe revoltës së krijuar brenda kampit.
Ndërkaq, duket se pjestarët e MEK akoma nuk e kanë kuptuar se nuk janë një “shtet” brenda shtetit shqiptar për të pretenduar të mos kontrollohen.
Ata pretendojnë se policia po i shërben regjimit të Iranit por ndërkohë qeveria shqiptare, edhe për prezencën e tyre në Shqipëri, mori një goditje të madhe në sistemin e vet informatik, ndërkohë që përzuri dhe prishi marrëdhëniet diplomatike me Iranin.
Ndaj, nëse të vendosurit në kampin MEK do të kishin zbatuar marrëveshjen që kishin në ardhjen e tyre në Shqipëri për aktivitetin e tyre humanitar, pa u përfshirë në procedura politike, qoftë edhe me mbështetjen e disa senatorëve amerikanë, duket se ka agravuar më shumë situatën.
Ndërkohë që policia ka marrë gjithë provat e nevojshme për të nxjerrë një raport të detajuar mbi aktivitetin që eksponentë të kampit kryenin brenda kampit dhe jashtë tij.
Kujtojmë që ditën e sotme ka pasur përplasje mes muxhahedinëvce dhe policisë, pasi këta të fundit me urdhër të GJKKO kanë ushtruar kontroll brenda kampit të MEK.
Një tjetër anëtar i MEK dyshohet se ka ndërruar jetë dhe trupi i tij është transportuar në morgun e Tiranës.
Në lidhje me këtë ka reaguar edhe Ministria e Brendshme e cila njofton se kontrollet nga Policia janë bërë konform ligjit por që kanë hasur rezistencën e anëtarëve të kampit, të cilët sipas ministrisë kanë thyer marrëveshjen e vitit 2014.
Ministria mohon që gjatë operacionit të ketë patur humbje jete apo të lënduar, ashtu siç pretendojnë anëtarët e MEK.
