Kreu i Partisë Demokratike, Lulzim Basha ka reaguar pas kapjes së efektivit të policisë, Enriko Zyla, i cili po transportonte drogë me një furgon në Velipojë, ku u kapën 1,5 tonë kanabis.
Deputeti demokrat shkruan në Facebook se Rama, Tahiri dhe Xhafaj e kanë mbushur policinë me trafikantë droge.
Po ashtu, Basha publikon një mesazh, ku shkruhet se Zyla mbrohej nga Habilajt në kohën e Tahirit, ndërsa pas ardhjes së Xhafajt, kaloi nën mbrojtjen e vëllait të ministrit të Brendshëm. Po ashtu, në mesazh thuhet se Zyla ka qenë i dënuar për trafik dhe shpërndarje droge në Romë, Itali dhe ka vuajtur dënimin në burgun e Rebibbias.
Efektivi i arrestuar Prel (Enriko) Zyla është vëlla i zëvendës shefit të kufirit në Shkodër, Ndrek Zyla.
POSTIMI I BASHËS:
RAMA-TAHIRI-XHAFA E KANË MBUSHUR POLICINË ME TRAFIKANTË DROGE
Burime të sigurta informojnë se:
“Prel Enriko Zyla ka qenë i dënuar për trafik dhe shpërndarje droge në Romë, Itali, dhe ka vuajtur dënimin në burgun e Rebibbias. Partnerët e kanë ngritur disa herë këtë cështje, por personi ashtu si shumë të inkriminuar të tjerë në Polici mbrohej nga HABILAJT në kohën e TAHIRIT dhe pas ardhjes së FATMIR XHAFËS kaloi nën mbrojtjen dhe shërbimin e vëllait të XHAFËS, AGRONIT.”
