Poeti shqiptaro-belg, Skënder Sherifi do të promovojë ditën e sotme librin e tij me poezi, të titulluar ‘‘Silenzio’’.
Sherifi do ta promovojë veprën e tij përpara të rinjve në sallën ‘‘Black box’’, të Universitetit të Arteve, ku do të paraqesë një numër të zgjedhur krijimesh të shkruara përgjatë vitit 1972 deri në vitin 1975.
Këto përbëjnë sprovat e para të poetit Sherifi në fushën e poezisë, të cilën nuk e ka ndërprerë deri më sot.
‘‘Silenzio’’ është botuar fillimisht në versionin origjinal, në gjuhën frënge, në Belgjikë, në vitin 2013 dhe vjen e përkthyer në shqip, për t’iu prezantuar lexuesit shqiptar, ditën e sotme në orën 12:00.
