Deputeti demokrat Dashnor Sula është treguar i ashpër me mazhorancën, duke thënë se nuk kanë lënë gjë pa bërë ndaj opozitës, ndërsa shtoi se janë tallur dhe me vendimet e Gjykatës Kushtetuese.
“Po na përdhunojnë dhe nuk po na lënë asgjë pa bërë. Janë tallur me vendimin e Gjykatës Kushtetuese”, tha Sula në studion e lajmeve në News24.
Ai përmendi dhe komisionin anti-korrupsion, për të cilin tha se ka qëllime dashakeqe.
“Komisonin Xhafaj e refuzojnë institucionet drejtësisë sepse ka qëllime dashakeqëse për prishjen e drejtësisë”, tha deputeti.
Sula zbuloi gjithashtu se ka takuar deputetin e burgosur Ervin Salianji, në burgun e Fierit. Ai tha se Salianji ishte mirë dhe se po studionte literaturën e Kuvendit me fjalimet e tij dhe kundërshtarëve të tij..
“Isha pardje te Salianji bashkë me Korreshin, e kemi takuar ishte në gjendje të mirë të moralshme. Po studionte literaturën e Kuvendit me fjalimet e tij dhe kundërshtarëve të tij.
Gjëja që më bëri përshtypje dhe u ndjeva i trishtuar është se Salianji ishte i vetmi i dënuar për kallëzim të rremë, në një kohë që një i arrestuar aty e tha shumë bukur, “mirë që na kanë futur për korrupsion, po Salianjii çfarë ka bërë?”.
Prindërit dhe familjarët e Salianjit duhet të jenë krenarë sepse ka hyrë në burg sepse ka dënuar problematikat këtu. Ka larguar dy ministra të brendshëm për kanabizimin e vendit”, tha Sula.
