Liverpool është duke zhvilluar një sezon fantastik nën drejtimin e Jurgen Klopp. Organika e skuadrës është e përsosur dhe trajneri gjerman ka ditur të marrë më të mirën nga lojtarët që ka në dispozicion. Por tashmë duket se kanë filluar edhe pakënaqësitë me lojtarët që janë aktivizuar më pak, ose aspak deri tani.
Mbrojtësi i majtë, Alberto Moreno ka ngritur zërin ndaj trajnerit për mënyrën se si ai po e trajton, duke e lënë në stol. Moreno mendon se meriton të kthehet në formacionin startues, pasi ka lënë pas dëmtimin që pësoi në fillim të sezonit.
“Nuk e kuptova vendimin për të vazhduar me Robertson, u lëndova duke dhënë maksimumin për ekipin”, u shpreh spanjolli. “Nuk më pëlqeu vendimi i Klopp sepse edhe pas rikuperimit ai preferonte vetëm Robertson-in. Marrëdhënia me Klopp nuk ka ndryshuar pas dëmtimit, nuk kam folur asnjëherë me të, mirëpo marrëdhënia jonë është normale.
Natyrisht që nuk më ka pëlqyer mënyra se si Klopp më ka trajtuar por e kuptoj situatën, ai nuk mund ta zëvendësojë Robertson sepse skuadra është duke fituar.”
