Një konflikt ka ndodhur në fshatin Reç, Malësi të Madhe i cili ka agravuar deir në përdorimin e sendeve të forta.
Sipas njoftimit të Policisë mësohet se një 52-vjeçar i identifikuar si P.Z ka rënë në prangat e policisë pasi ditën e djeshme në vendin e quajtur “Badra e Mehajve”, pas një konflikti të çastit, ka goditur me lopatë në kokë 56-vjeçarin me ininciale A.K, banues në Koplik.
56-vjeçari ndodhet në spital dhe po merr ndihmë mjekësore, fatmirësisht ai është jashtë rrezikut për jetën.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Plagosja e rëndë me dashje”.
