Një debat mjaft i ashpër, duke kaluar edhe etikën, ka ndodhur sot ndërmjet dy artistëve mjaft të dashur për publikun, por që nuk ndajnë të njëjtin qëndrim rreth debatit të zjarrtë për Teatrin. Debati mes Derhemit dhe Laert Vasilit ka degjeneruar në fjalë fyese, duke i kujtuar njëri-tjetrit edhe rrogat, dhe me sa mundim i kanë marrë. Kjo situatë qesharake është krijuar sot në në “KafeIN”, ku ishte i ftuar aktori Laert Vasili, për të diskutuar në lidhje me prishjen e Tatrit Kombëtar.
Teksa jepte mendimin e tij pro prishjes se teatrit, Arben Derhemi ka ndërhyrë në telefon. Ai nuk është kursyer aspak me kritikat, dhe kaq është dashur që përballja mes palëve të kalonte çdo lloj norme.
Ai u shpreh se nuk kishte fare punë me atë djalin aty, pra Laertin dhe tha se ai ka të tjera interesa, që është pro prishjes së teatrit sepse më parë Laerti, sipas Arbenit, ka qenë kundër. Debati arriti kulmin kur Arbeni shprehet se i vjen turp për këtë situatë, dhe me 6 kullat e 40 kate, ndërsa teatrit vetëm 40 përqind dhe përparësi i jepet restoranteve dhe kafeve.
Arbeni shprehet gjithashtu se njerëzit që e quajnë teatrin kapanon, janë militantë dhe njerëz pa karakter si ai që është në studio, por Laerti i’u kundërpërgjigj duke i kujtuar një shfaqje të vitit 2008, me një regjisor grek, i cili sipas Laertit, donte t’i vinte kazmën gjithë produksionit dhe Derhemi doli kundër të gjithë aktorëve dhe përqafoi regjisorin në fjalë.
Laert Vasili e ka quajtur Arbenin një parazit dhe i rikujton se në 2008 i është qarë për një rrogë në Teatrin Kombëtar.
Replikat
Derhemi: Nuk kam fare punë me atë djalin që ke aty në studio. Ai është kapanon dhe militant. Është një njeri pa karakter dhe pa dinjitet.
Vasili: Nëse do më thoshit që do kisha parazitë në intervistë, unë nuk do isha. Ai djali është ai djali që erdhe dhe mu qave në vitin 2008, që s’po më japin rol në Teatrin Kombëtar. Ai djali ta ka dhënë punë në 2008-en dhe rol.
