Kaosi që ka shkaktuar humbja ndaj Lushnjës në ndeshjen e sotme nuk ka pasur për pasojë vetëm tre pikët e humbura në fushën e lojës nga ai rezultat 1-3. Pritet që të ketë edhe një dorëheqje nga tekniku serb, Milinkoviç. Por ka pasur edhe një mbledhje të tensionuar në fundin e takimit, pas një mbledhje në dhomat e zhveshjes. Diskutimet nuk kanë qenë normale dhe është folur me tone mjaftë të larta.
Ndërkohë në përfundim të takimit, gazetari i “Supersport” Elvis Rexha, në një lidhje të drejtpërdrejtë ka njoftuar për një tension në dhomat e zhveshjes.
“Pati një mbledhje në dhomat e zhveshjes dhe ishte mjaft e tensionuar, me tone të larta. Trajneri Milinkoviç nuk ka qenë prezent, pasi ka qëndruar në stol së bashku me ndihmësin e tij”, u shpreh gazetari.
