Detaje të reja kanë dalë lidhur me plagosjen e ndodhur në fshatin Bicaj të Kukësit, ku i plagosuri është identifikuar si Elvis Halili, ndërsa autori i dyshuar është Zenel Muçmata, i cili mësohet të jetë drejtor në Bashkinë e Kukësit.
Halili, që është kushëri me kryetarin e Bashkisë, ka mbërritur në spitalin e Kukësit rreth orës 14:20, ku është diagnostikuar me plagë nga arma e zjarrit. Sipas informacioneve të para, ai ndodhet jashtë rrezikut për jetën.
Policia ka nisur hetimet dhe ka identifikuar autorin e dyshuar, por ende nuk janë publikuar detajet e tij, pasi hetimet janë në zhvillim. Ngjarja dyshohet të ketë ndodhur pas një konflikti për motive të dobëta mes dy personave. Grupet hetimore po punojnë për zbardhjen dhe dokumentimin e plotë të rrethanave të këtij incidenti.
Njoftimi i Policisë:
Kukës/Informacion paraprak
Rreth orës 14:20, në spitalin e Kukësit, është paraqitur shtetasi Elvis Halili, rreth 29 vjeç, banues në fshatin Bicaj, dyshohet i plagosur me armë zjarri, paraprakisht jashtë rrezikut për jetën.
Nga veprimet e para hetimore dyshohet se ky shtetas është plagosur me armë zjarri gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk bëhen me dije për momentin, për shkak të hetimit.
Është ngritur grupi hetimor dhe në drejtimin e Prokurorisë Kukës po vijon punën për zbardhjen dhe dokumentimin e plotë ligjor të këtij rasti.
