Vetëdorëzohet në Komisariatin e Policisë Krujë autori i dyshuar i plagosjes me armë të pronarit të një pike shitje makinash.
Burime zyrtare nga policia bënë me dije se bëhet fjalë për shtetasin me inicialet P. M., 43 vjeç, banues në Krujë. Ky shtetas, ditën e djeshme, për motive të dobëta, ka qëlluar me armë zjarri shtetasin A. G., i cili ndodhet në spital, jashtë rrezikut për jetën.
Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
