Plagosën me thikë 42-vjeçarin në Tiranë, efektivët e Komisariatit nr 4 arrestojnë dy autorët e dyshuar

Një plagosje me thikë ka ndodhur sot në Tiranë, teksa janë vënë në pranga dy persona. Fillimisht një 42-vjeçar u paraqit paraditen e së hënës në urgjencën e QSUT-së për ndihmë mjekësore. Sipas edhe policisë, 42-vjeçari ishte plagosur me thikë në këmbë. Ndërsa pas disa orëve, policia ka arritur të identifikojë dhe të vërë në pranga autorët. “Tiranë/ Në vijim të informacionit paraprak të dhënë ditën e sotme, shërbimet e Komisariatit të Policisë Nr. 4 kanë identifikuar dhe shoqëruar në ambientet e Policisë dy autorët e dyshuar, shtetasit V. M., 30 vjeç, dhe G. G., 33 vjeç, të dy banues në Tiranë. Ditën e sotme, këto dy shtetas, për motive të dobëta dyshohet se kanë goditur me mjet prerës shtetasin G. S., 42 vjeç, banues në Tiranë. Në vijim të veprimeve u bë arrestimi i tyre për veprën penale “Vrasja me dashje” mbetur në tentativë, kryer në bashkëpunim, parashikuar nga neni 76/22/25 i Kodit Penal. Materialet i kaluan Prokurorisë”, njoftoi policia.