Pique firmos kontratën e përjetësisë me Barcelonën

Ai është një ndër lojtarët më të rëndësishëm të Barcelonës, pasi është formuar si futbollist aty dhe ka vazhdua një karrierë të gjatë dhe me shumë trofe. Por jo vetëm kaq, ai është kthyer në një simbol të tifozëve katalanas, për qëndrimin që ka mbajtur për referendumin dhe pavarësinë e Rajonit të Katalonjës. Bëhet fjalë për Gerard Pique i cili ka rinovuar kontratën me skuadrën blaugrana deri në vitin 2022.

Mund të themi se ai do ta mbyllë karrierën tek Barcelona pasi kontrata e skadon në moshën 35-vjeçare dhe për ta thyer këtë kontratë çdo ekip i interesuar do ti duhet të paguaj klauzolën e re prej 500 milionë eurosh. 30-vjeçari iu bashkua Barcelonës në moshën 10 vjeçare dhe më pas ishte pjesë e Manchester United për disa vite, ndërsa nga viti 2008deri më sot ka zhvilluar në total 422 ndeshje duke realizuar dhe 37 gola.