Ekipet e emergjencës kanë pezulluar kërkimet për persona të mbijetuar nën rrënojat e urës së shembur të autostradës A10 në Xhenova. Sipas mediave italiane, kërkimet u pezulluan për shkak se rrezikon që të shembet një pjesë tjetër e urës Morandi.
Kërkimet kanë vazhduar gjatë gjithë natës. Deri tani numri i viktimave është 39, ndërsa shumë të tjerë janë të plagosur, kurse një pjesë të zhdukur.
Më shumë se 2/3 e zonës ku është shembur ura, është kontrolluar nga ekipet e emergjencës. Në mesin e viktimave janë edhe dy shqiptarë, të cilët po shkonin në punë kur ura u shemb përpara syve të tyre.
