Intelektualët e Kosovës janë bashkuar për të kërkuar lirimin e kreut të AAK-së, Ramush Haradinaj. Kështu, 603 intelektualë kanë nënshkruar një peticion, ku kërkojnë lirimin e Ramush Haradinajt, i cili po mbahet në Francë nga 4 janari, pas një fletëarresti të lëshuar nga Serbia.
Hakif Bajrami, përfaqësues i intelektualëve, tha se përmes këtij peticioni fton shtetin e Francës për drejtësi ndaj Haradinajt.
“Një peticion të nënshkruar nga 603 intelektualë të Republikës së Kosovës. Ne nuk po kërkojmë asnjë privilegj po kërkojmë drejtësi për Ramush Haradinaj, për UÇK-në, e cila i ka treguar botës se si bëhet lufta. Sot në emër të këtyre intelektualëve, në emër të drejtësisë, të barazisë e ftojmë drejtësinë franceze ta jep drejtësinë e saj”, tha Bajrami.
Peticioni do të dorëzohet sot në Ambasadën franceze në Prishtinë.
