Në sfidën e kreut të klasifikimit, ku Albacete e Rey Manajt përballej me Granadan, sulmuesi i kombëtares shqiptare ka pësuar një dëmtim të rëndë. Në gjysmën e pjesës së parë pas një përplasje me kundërshtarin, Rey pësoi fraktura në kokë dhe theu hundën, duke u transportuar menjëherë në spital.
Futbollisti me origjinë nga Lushnja ka qenë në monitorimin e mjekëve të cilët e kanë mbajtur në vëzhgim gjatë natës, për t’u kujdesur për të. Ditën e sotme duket se Manaj është më mirë dhe gjendja e tij është stabilizuar.
Ndonëse në gjendje jo shumë të mirë dhe normale, ai ka falënderuar dhe ka shprehur mirënjohjen e tij kundrejt tifozëve në rrjeti social “Instagram”. “Faleminderit për të gjithë tifozët e Albasete dhe të gjithë të afërmve për dashurinë .. Shihemi të shtunën në shtëpinë tonë”.- ka qenë mesazhi i Rey.
