Autoritetet malajziane raportojnë se ish-kryeministri, Najib Razak, është vënë në pranga një ditë më parë, e ndërsa pritet të fajësohet në kuadër të hetimit që hedh dyshime për përvetësimin e 628 milionë dollarëve nga fondi i investimeve publike prej miliarda dollarësh.
Skandali për përvetësim të shumave të mëdha nga ky fond investimesh nga ana e ish-kryeministrit dhe bashkëpunëtorëve të tij, luajtën një rol kyç në humbjen në zgjedhjet e majit, të koalicionit që ai drejtonte përballë aleancës reformiste të Mahathir Mohamadit.
Komisioni Malajzian Anti-Korrupsion (MACC), tha në një deklaratë për mediat se Najib ishte marrë në paraburgim në orën 4.13, në selinë qendrore të MACC në Putrajaya.
Ai pritet të përballet me akuzat sipas nenit 23 (1) të Aktit të vitit 2012, për ‘keqpërdorimin e pushtetit’.
