Një 26-vjeçar shqiptar, disa muaj më parë, përplasi për vdekje një 21-vjeçare greke në Selanik dhe më pas u largua nga vendi i ngjarjes. Për fat të keq e reja humbi jetën, ndërsa aspak kohë më vonë autori u vu në pranga.
Ai deklaroi para autoriteteve se nuk ishte duke ecur me shpejtësi dhe se 21-vjeçarja i kishte dalë përpara papritur dhe nuk i kishte lënë kohë për të reaguar.
Protothema shkruan se nga hetimet rezultoi se i riu shqiptar kishte humbur kontrollin e makinës para se të godiste viktimën në korsinë e kundërt të rrugës.
Protothema shkruan se nga hetimet rezultoi se i riu shqiptar kishte humbur kontrollin e makinës dhe ka rrëshqitur para se të godiste viktimën në korsinë e kundërt të rrugës.
Avokati i familjes së të resë që humbi jetën u shpreh para gjykatës se nëse i akuzuar do të kishte ruajtur korsinë e tij ai nuk do të përplaste viktimën dhe për pasojë t’i merrte jetën.
Sipas tij 26-vjeçari nga Shqipëria është larguar nga vendngjarja pas aksidentit dhe aty ka goditur sërish trupin e 21-vjeçares greke. Kjo gjë sipas tij vërtetohet edhe nga një dëshmitar okular.
Tanimë i riu akuzohet për veprën penale të drejtimit të mjetit në mënyrë rrezikshme me pasojë vdekjen, si edhe për largimin nga vendngjarja e aksidentit, duke e përballur atë me një dënim deri në 15 vite burg.
