Një aksident automobilistik ka ndodhur në superstradën Lezhë-Milot, pranë kryqëzimit të Shënkollit.
Në këtë aksident janë përfshirë tre automjete, njëra prej të cilave ka përfunduar brenda një pike karburanti.
Sipas informacioneve paraprake, disa persona kanë mbetur të plagosur dhe janë transportuar për ndihmë mjekësore në spital. Autoritetet po punojnë për të përcaktuar shkaqet e aksidentit dhe për të garantuar sigurinë në vendngjarje.
