Të paktën tre persona mbetën të plagosur këtë të mërkurë, 26 nëntor, në një aksident rrugor të ndodhur në Levan-Fier. Siç raporton gazetarja Anila Sefa, ngjarja ndodhi në vendin në afërsi të Poçemit.
Siç shihet edhe në këto pamje, në aksident u përfshinë dy makina, të cilat u përplasën “kokë më kokë” me njëra-tjetrën. Për pasojë mbetën të plagosur tre persona, të cilët u dërguan në spitalin e Fierit për ndihmë mjekësore.
Përplasja duket të ketë qenë tejet e fortë, pasi të dyja automjetet kanë pësuar mjaft dëmtime. Megjithatë, fatmirësisht të plagosurit raportohet se janë jashtë rrezikut për jetën. Në vendin e ngjarjes ka shkuar policia, e cila ka nisur edhe punën për të zbardhur rrethanat e këtij aksidenti.
