Dy makina janë përplasur pasditen e sotme në aksin rrugor Shkodër-Gur i Zi.
Ngjarja ka ndodhur në vendin e quajtur Ura e Kirit pranë varrezave të dëshmorëve. Dy drejtuesit e mjeteve kanë mbetur të lënduar.
Për shkak të përplasjes, njëra nga makinat ka marrë flakë ndërsa tjetra ka përfunduar në kanalin anës rrugës. Është dashur ndërhyrja e zjarrfikëseve për të shuar zjarrin në automjetin tip Fiat Punto.
Në vendin e ngjarjes ndodhet policia rrugore dhe ekspertët e qarkullimit, të cilët po punojnë për zbardhjen e shkaqeve të këtij aksidenti.
