Pasditen e sotme një zjarr i madh ka përfshirë hotelin luksoz Mandarin Oriental, i cili ndodhet në qendër të Londrës.
Brigada e zjarrfikësve në Londër tha se 20 makina zjarrfikëse dhe 120 punonjës të këtij shërbimi janë angazhuar në operacion për shuarjen e zjarrit.
Tym i zi është parë në horizont nga hoteli në Uilliam Street, Knightsbridge, ku dhomat fillojnë nga 600 paund nata.
Hoteli sapo ka përfunduar rinovimin më të gjerë dhe më të shtrenjtë në historinë e tij 115-vjeçare, me dhoma të cilat u hapën përsëri për publikun më 29 maj.
Një zëdhënës i zinxhirit ekskluziv të hoteleve me qendër në Hong Kong i tha MailOnline: ‘Ne jemi të vetëdijshëm për një zjarr në hotel dhe Brigada e zjarrit në Londër është në vendin e ngjarjes‘.
Nuk dihet nëse ka të lënduar nga zjarri.
