Detaje të reja janë hedhur në dritë pas ngjarjes shokuese që ndodhi sot në tregun e Milotit, ku gruaja vrau burrin me një pistoletë.
Policia pasi rrethoi vendin e ngjarjes, nisi menjëherë nga hetimet e para. Paraprakisht janë pyetur dëshmitarët, të cilët kanë thënë para uniformave blu se nuk kanë dëgjuar debate mes çifit, por vetëm të shtënat me armë zjarri.
Po kështu ata kanë konfirmuar se janë dëgjuar katër të shtëna.
Çifti Donaj punonin si tregtarë në tregun e Milotit. Ata janë prindër të dy fëmijëve të mitur.
Burimet ende jo zyrtare thonë se drejt rajonit të policisë janë shoqëruar disa persona, të cilët mund të bëjnë të mundur zbardhjen e këtij krimi të rëndë.
