Në Obot prurjet e Bunës dhe Drinit sollën rritje të nivelit të liqenit.
500 hektarë tokë bujqësore janë ende nën ujë, ndërsa aksi që lidh fshatin me rrugën kryesore ka prezencë ujë deri në 120 centimetër.
Aktualisht, e vetmja mënyrë komunikimi dhe lëvizjeje për banorët e Obotit mbeten varkat. Banorët shprehen se uji është lëshuar gjatë natës, duke i gjetur të papërgatitur dhe duke rritur ndjeshëm rrezikun për banesat, bagëtitë dhe tokat bujqësore.
Sipas të dhënave nga ministria e mbrojtjes, në njësinë administrative Dajç, veçanërisht në zonën Urrelat–Shirq, uji ka dalë nga kanalet kulluese duke zgjeruar sipërfaqet e përmbytura.
Sipas Bashkisë së Shkodrës, shkarkimet jane ulur gjate mbremjes se kaluar, por ne Obot pavaresisht uljes së shkarkimeve, efekti i tyre jepet me vone.
