Amaneti i albanologut të njohur, Robert Elsie, do të përmbushet nesër! Studiuesi dhe përkthyesi i njohur kanadez me origjinë gjermane, u nda nga jeta në moshën 67-vjeçare.
Elsie ishte i dashuruar me Shqipërinë dhe kishte kërkuar që kur të vdiste, trupi i tij të prehej në vendin tonë.
Dhe kështu do të ndodhë: Robert Elsie do të varroset në Alpet Shqiptare.
Trupi i Elsie do të qëndrojë nesër Bibliotekë Kombëtare, ku do të mbahen homazhet dhe nderimet e fundit, nga ora 14:00 deri më 16:00.
Më pas do të zhvillohet ceremonia e përcjelljes për në Shkodër, ndërsa GSH.al ka mësuar se Robert Elsie do të prehet me kostum popullor shqiptar.
GSH.al ka mësuar se ditë më parë, fotografi Roland Tasho i ka dërguar familjes së tij një kostum të zonës së Shkodrës, me të cilin është veshur trupi i pajetë i albanologut. Ai do të prehet në Theth, ashtu siç edhe e ka lënë amanet albanalogu.
Një gjë e tillë është konfirmuar nga miku i tij, Artur Metani, i cili ka qenë një ndër miqtë e tij më të afërt dhe që e ka shoqëruar më 25 vite në udhëtimet e tij në Shqipëri.
