Aktorët e Cirkut të Tiranës janë përplasur sot me përfaqësues të përmbarimit, teksa këta të fundit kanë tentuar të çmontojë çadrën gjigante.
Përmbarimi ka shkuar të ekzekutojë një vendim gjykate për sekuestrimin e tokës ku është ngritur çadra e Cirkut Kombëtar, gjë që ka sjellë kundërshtimin e artistëve. Këta të fundit pretendojnë se përmbarimi nuk ka leje të posaçme nga Ministria e Kulturës.
Ky kundërshtim ka vijuar me reagimin e përfaqësuesve të Përmbarimit, të cilët kanë hapur derën e cirkut me dhunë, ndërsa artistët janë ngujuar brenda çadrës, duke i detyruar përmbaruesit të ndalojnë.
Pas tensionit dhe përplasjes, Përmbarimi ka vendosur të pezullojë përkohësisht vendimin.
