Të paktën 16 palestinezë janë plagosur në përplasjet me policinë në Bregun Perëndimor. Palestinezët protestojnë kundër vendosjes së Jerusalemit si kryeqytet i Izraelit, pas deklaratës së presidentit të SHBA-ve, Donald Trump, shkruan BBC.
Raportet thonë se palestinezët janë plagosur nga plumbat e gomës dhe gazi lotsjellës, vetëm një person është lënduar nga zjarri. Izraeli ka vendosur qindra trupa shtesë në Bregun Perëndimor.
Njoftimi i Trump u prit me kundërshtime të forta në mbarë botën, u përmbysën dekada diplomaci të politikës amerikane për këtë çështjen e ndjeshme.
Palestinezët në Bregun Perëndimor dhe në Rripin e Gazës kanë dalë në demonstrata, në shenjë proteste, duke organizuar dhe greva në rrugë.
Shumë nga aleatët më të afërt të Uashingtonit kanë thënë se nuk janë dakord me këtë veprim. Këshilli i Sigurimit të OKB-së dhe Liga Arabe do të takohen në ditët në vijim për të vendosur përgjigjen e tyre ndaj deklaratës së Trump.
Ekziston frika se deklarata e Trump mund të çojë në shpërthim të ri të dhunës. Grupi islamik palestinez Hamasi ka bërë thirrje për një kryengritje të re. TIRANA TODAY
