Situatë kaotike është krijuar në një ndeshje ragbi në Uells. Ishte një përballje derbi e cila ka degraduar në një përleshje masive, antisportive mes dy skuadrave. Edhe pse vetë ragbi është një lojë e dhunshme, lojtarët e dy skuadrave filluan të lëshonin grushte e shkelma ndaj njëri-tjetrit të nxitur edhe nga tifozët.
Blaenavon RFC përballej me rivalët e Pontypool United fundjavën që lamë pas, kishte kaluar rreth gjysma e lojës kur në fushë u krijua gjendje ‘lufte’. Goditjet kanë ardhur nga lojtarët e të dyja skuadrave, të nxitura edhe nga tifozët që kanë filmuar skenën, ku dëgjohet ti nxisin që ta godasin kundërshtarin.
Akoma nuk është bërë i ditur shkaku i këtij konflikti masiv. Arbitri akoma nuk ka dorëzuar raportin për të dhënë detaje mbi situatën, ndërsa presidenti Mark Jones tha se arbitri kishte vendosur të mos ndërmarrë ndonjë veprim të mëtejshëm dhe se incidenti ishte ‘harruar shpejt’. TIRANA TODAY
