Pak ditë më parë një ngjarje e paprecedente goditi futbollin shqiptarë edhe pse në Kategorinë e Dytë, ku në ndeshjen Përmeti-Këlcyra u dhunua arbitri i ndeshjes Alvi Paço. Ngjarje që ndodhin rëndomtë në atë kategori dhe javë pas jave shohim skena dhune në fushë. Këtë herë ngjarja mori përmasa më të mëdha, ku u arrestuan edhe tre futbollistët që ushtruan dhunë ndaj arbitrit.
Në vendimin e Komisionit të Disiplinës u vendos të pezullohen përgjithmonë nga aktiviteti futbollistik tre lojtarë të KF Këlcyrës. Ata janë Entilion Kmaberi, Renis Spahiu dhe Kamber Kamberaj, dy prej të cilëve përfunduan edhe në prangat e policisë pak dit më parë. Ky është rasti i parë që FSHF bën “shembull”, një ekip të tërë për ushtrim dhune në fushën e lojës ndaj zyrtarëve të ndeshjes. Pasi Këlcyra është përjashtuar për këtë vit nga kampionati dhe për ndeshjen me Përmetin që nuk u përfundua, u vendos humbja në tavolinë me rezultatin 3-0.
Në listën e lojtarëve të dënuar nga Komisioni i Disiplinës bie në sy mungesa e njërit prej lojtarëve të arrestuar pak ditë më parë, të 21-vjeçarit Andi Hina nga Gjirokastra.
1- Lojtaret i KF “Këlcyra”, Entilion Kamberi, për dhunë ndaj zyrtarit të ndeshjes, në bazë të nenit 49/1/b të KDS, dënohet përgjithmon nga pjesëmarrja në çdo aktivitet futbollistik.
2- Lojtari i KF “Këlcyra”, Renis Spahiu, për dhunë ndaj zyrtarin të ndeshjes, në bazë të nenit 49/1/b të KDS, dënohet përgjithmonë nga pjesëmarrja në çdo aktivitet futbollistik.
3- Lojtari i KF “Këlcyra”, Kamber Kamberaj, për dhunë ndaj zyrtarin të ndeshjes, në bazë të nenit 49/1/b të KDS, dënohet përgjithmon nga pjesëmarrja në çdo aktivitet futbollistik.
