Një aksident është regjistruar pasditen e sotme në aksin rrugor Lezhë-Shkodër, pranë kryqëzimit të Gjadrit. Mësohet se në aksident janë përfshirë dy automjete, si pasojë e të cilave një person ka mbetur i plagosur dhe është dërguar me urgjencë për ndihmë mjekësore në spital.
Ky është aksidenti i dytë që ndodh në të njëjtin vend gjatë ditës së sotme, duke rezultuar në tre persona të plagosur në total. Autoritetet po vijojnë hetimet për zbardhjen e shkaqeve dhe rrethanave të këtyre aksidenteve.
