Ka zgjatur rreth 6 orë mbledhja e Partisë Socialiste në Pallatin e Brigadave.
Kryeministri Edi Rama mblodhi rreth orës 14.00 në vilën qeveritare tek Pallati i brigadave ministrat, kryesinë e Grupit Parlamentar dhe drejtuesit politikë të PS.
Në fokus të mbledhjes ka qenë edhe vota e diasporës.
Një tjetër sfidë e rëndësishme për Partinë Socialiste është edhe përmbyllja e listës së kandidatëve për 12 qarqet, e cila duhet të dorëzohet në Komisionin Qendror të Zgjedhjeve brenda 12 Marsit.
Po ashtu, në fokus ka qenë edhe programi elektorale i PS dhe është bërë një analizë e brendshme për mënyrën se si është punuar deri tani dhe si do të duhet që të shkojnë socialistët drejt zgjedhjeve të 11 majit.
Në këtë mbledhje, kreu i qeverisë ka kaluar në sitë angazhimin e gjithsecilit për të bërë një vlerësim të punës së deritanishme.
