Kreu i grupit Parlamentar të PD, Gazment Bardhi ka folur pas përfundimit të mbledhjes së Konferencës së Kryetarëve.
Bardhi u shpreh se PS në fillim refuzoi që të mbanin një seancë urgjente për Kosovën, por më pas kanë rënë dakord që kjo senacë e jashtëzakonshme të mbahet më 12 tetor. Ai tha se seanca do të zgjasë 5 or që secili deputet të parashtrojë qëndrimet e veta në lidhje me diskutimin.
Bardhi tha se opozita nuk është aspak dakord me deklaratat e bëra nga kryeministri Edi Rama deri më tani, teksa theksoi se marrja nën kontroll e veriut të Kosovës nga KFOR do të thotë kthim pas në kohë.
“Kreu i komisionit të jashtëm dhe nënkrytari do të punojnë gjatë ditëve për një draft të unifikuar. Ka patur diskutime mbi kohën kur duhet të zhvillohet mocioni. Kemi theksuar se është cështje urgjente, që duhet të hyjë në axhendë një orë e më parë. Fillimisht PS nuk pranoi por në përfundim është rënë dakord që seanca për Kosovën të mbahet më 12 shtator, të enjten e ardhshme. Koha e debatit të jetë rreth 5 orë.
Gjatë këtyre ditëve do bëhet përpjekje për të arritur me një rezolutë të përbashkët. Republika e Shqipërisë duhet të jetë e unifikuar me Republikën e Kosovës, përfshi edhe kërkesën e tyre për një hetim ndërkombëtar.
Mbështesim deklaratën e KFOR që rendi e sigurinë e mbulon policia e Kosovës duke refuzuar kryeministrin i cili do kthimin pas në kohë”, tha Bardhi ndër të tjera.
